Խնդրում ենք սպասել...
Այսօր`  հինգշաբթի, 23 նոյեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Ի՞նչ ենք ուտում, հագնում, դիտում

Օգտակար սննդանյութեր, որոնք սխալ օգտագործման դեպքում կորցնում են իրենց օգտակար հատկությունները

22:05, երկուշաբթի, 10 ապրիլի, 2017 թ.
Օգտակար սննդանյութեր, որոնք սխալ օգտագործման դեպքում կորցնում են իրենց օգտակար հատկությունները

Բազմաթիվ օգտակար սննդամթերքներ, պարզվում է, մարդիկ շատ հաճախ օգտագործում են ոչ ճիշտ, ինչ հետևանքով նվազագույնի են հասցվում կամ էլ առհասարակ վերանում են դրանց օգտակար նյութերը:
     Բրոկոլի
     Եփման կամ էլ քիչ ջրով եփման ու տապակման ժամանակ կորչում են այս բանջարեղենի բոլոր օգտակար նյութերը: Դրանք պահպանելու համար պետք է բրոկոլին խաշել գոլորշու վրա կամ էլ օգտագործել հում վիճակով:
     Ելակ
     Այն ձեռք բերելուց հետո մի շտապեք անմիջապես հեռացնել պտղակոթերը, քանի որ դրա, ինչպես նաև կտրտելու հետևանքով այս հատապտուղը կորցնում է իր վիտամինների մեծ մասը: Եվ հիշեք՝ ամենաօգտակար ելակը վաճառվում է միայն համապատասխան սեզոնին:
     Սև թեյ
     Սև թեյի օգտակար հատկությունները կորչում են, երբ դրան կաթ են ավելացնում:
     Կտավատի սերմեր
     Այս հիանալի սերմերը պարունակում են թաղանթանյութ, օմեգա-3 ճարպաթթուներ, հակաօքսիդանտներ: Սակայն կտավատի սերմերը սովորական օգտագործման, կամ էլ կեֆիրի ու յոգուրտի հետ օգտագործման դեպքում գործնականորեն չեն կիրառվում, ուստի դրանք պետք է փոշիացնել նոր ուտել:
     Սպանախ
     Այս կանաչեղենի օգտակար հատկությունները պահպանելու համար պետք է այն կամ շոգեխաշել կամ էլ թեթևակի տապակել շիկացած թավայի վրա, բայց այնպես, որ այն մնա փոքր-ինչ խրթխրթան:
     Սխտոր
     Սխտորից առավելագույն օգուտ ստանալու համար ճզմեք այն և թողեք 10 րոպե, ինչից հետո նոր ավելացրեք ուտեստներին:
     Լոլիկներ
     Լոլիկները պարունակում են լիկոպին հակաօքսիդանտը, որը պաշտպանում է անոթները, կանխում աթերոսկլերոզի առաջացումը: Լոլիկներից առավելագույն օգուտ ստանալու համար պետք է դրանք ենթարկել ջերմային մշակման:
     Յոգուրտ
     Բացելով յոգուրտը՝ դեն մի նետեք երեսին հավաքված շիճուկն, այլ խառնեք ընդհանուրի հետ ու կերեք:
     Հացահատիկային ու լոբազգի մշակաբույսեր
     Չվերամշակված հացահատիկները և չորացված լոբազգիներն իրենց թաղանթի մեջ պարունակում են ֆիտատներ՝ հակաօքսիդանտներ, որոնք, շփման մեջ մտնելով վիտամինների և հանքանյութերի հետ, խանգարում են դրանց ամբողջական յուրացմանը: Ուստի միշտ պետք է լոբազգիներն ու հացահատիկային բույսերը պատրաստելուն նախորդող գիշերը թրջել ջրի մեջ:

17791 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am