«Ելք» դաշինքի անդամները շնորհակալություն հայտնեցին քաղաքացիներին դեպի ԿԸՀ այսօրվա հավաք-երթին մասնակցելու համար: «Հեռանում ենք այստեղից, հեռանում ենք նորից աշխատելու: Քարոզարշավին մնացել է մեկ օր: Շարունակելու ենք ամբողջ ՀՀ-ով տարածել մեր գաղափարներն ու ապրիլի 2-ին ամրագրել արժանապատիվ ու նոր կյանքի սկիզբը»,- ասացին նրանք:
«Մենք ասում ենք հետևյալը՝ ՀՀ ամեն ընտրող ավելի հզոր է, քան ԿԸՀ-ն: ՀՀԿ-ի գրանցումը չեղարկելու որոշում չի կայացվելու, մինչև այդ որոշումը ՀՀ քաղաքացին չկայացնի: Մենք դիմումն ուղղում ենք ՀՀ քաղաքացուն, որին ասում ենք՝ հնարավորություն ունեք ՀՀԿ-ին դուրս թողնել պրոցեսից»,- նշեց Փաշինյանը:
Իսկ ԿԸՀ-ում ընթանում է «Ելք» դաշինքի՝ ՀՀԿ-ի գրանցումը չեղյալ ճանաչելու դիմումը: