2017թ. մարտի 30-ին Արցախի ԱԺ նիստում «Ազգային վերածնունդ» կուսակցության նախագահ, պատգամավոր Հայկ Խանումյանն անդրադարձել է Արթուր Սարգսյանի մահվան և Սամվել Բաբայանի ձերբակալման դեպքերին:
«Արթուր Սարգսյանի` «Հացբերողի» մահը ցույց տվեց, որ Հայաստանի արդարադատության համակարգը մարդասպան համակարգ է, և որ Հայաստանը դեռևս հեռու է իր կողմից ընդունված համընդհանուր սկզբունքները հարգելուց»,- նշել է պատգամավորը:
Անդրադառնալով Սամվել Բաբայանի ձերբակալությանը՝ Խանումյանն ասել է. «Իգլայի գործը» և Սամվել Բաբայանի ձերբակալությունը ցույց տվեցին, որ Հայաստանի Ազգային անվտանգության ծառայությունը հավատարիմ է մնում խորհրդային ԿաԳեԲե–ի գործելաոճին և մեկ կուսակցության ապօրինի շահերին ծառայող կառույց է»:
«Ազգային վերածնունդ» կուսակցություն
Ստեփանակերտ
30 մարտի 2017թ.