Օրեր առաջ քաղաքական մի շարք ուժեր տվել են ընտրակաշառքներ բաժանելու մեկնարկը: Ասում են` երեկվանից ակտիվ գործընթացներ են ընթանում Շենգավիթ վարչական շրջանի Չարբախ կոչվող թաղամասում: Ըստ լուրերի` «Ծառուկյան» դաշինքի ռեյտինգային որոշ թեկնածուներ 10 հազար դրամ են տվել` խոստանալով, որ 5000 դրամ էլ ընտրողները կստանան ապրիլի 2-ին` «Ծառուկյան դաշինքի» կողմից: «Հայկական վերածնունդ» կուսակցությունն էլ իր հերթին 5000 դրամ է բաժանել, մյուս 5-ը` խոստանալով ընտրությունից հետո: Մայրաքաղաքի մի շարք վարչական շրջանների բնակիչներ էլ ասում են, թե այսօր-վաղն սպասվում է նաև ՀՀԿ-ի «հատկացումը»: