Արմավիրի մարզի Փարաքար համայնքի մշակույթի տան բակում ընտրողների հետ է հանդիպել ՀՀԿ-ական Առաքել Մովսիսյանը: Նրա կողքին էին սպորտի և երիտասարդության հարցերի փոխնախարար Խաչիկ Ասրյանը և դերասան Գոռ Վարդանյանը:
Դիմելով ընտրողներիին` թեկնածուն ասել է. «Շնորհակալություն եմ հայտնում, որ միշտ ձեր կողքին եմ եղել, հավաքվել եք էսօր իմ պատվին: Ձեզ երբևիցե մենակ չեմ թողա ու չեմ հիասթափացնի: Ոնց ապրելու ենք, շարունակելու ենք ապրել: Ինձ ոչ պաշտոնն ա փոխելու, ոչ էլ պատգամավոր լինելը»,- ասել է Մովսիսյանը:
Օրեր առաջ հայտնել էինք, որ ԿԸՀ-ն մերժել է Մովսիսյանի գրանցումն ուժը կորցրած ճանաչելու պահանջը: