«Մարդու իրավունքներն ու հիմնարար ազատությունները բարձրագույն արժեք լինելով՝ արտացոլվում կամ արտահայտվում են տարբեր իրավունքների մեջ: Առաջինը՝ ընտրելու իրավունքն է: Եթե մենք ունենք այդ իրավունքն իրապես իրացնելու հնարավորություն և որևէ մեկը չի բռնանում ընտրելու այդ իրավունքի վրա, չի սահմանափակում մեր ազատ ընտրելու իրավունքը, ապա մենք ժողովրդավարական հասարակություն ունենք»,-այսօր, անդրադառնալով սկանդալային ձայնագրություններին և դատապարտելով օրինախախտ տնօրեններին հովանավորողներին, ասաց Կոնգրես-ՀԺԿ դաշինքի անդամ Զոյա Թադևոսյանը:
«Ենթադրենք ունենք փաստաթուղթ, որի վրա գրված է, թե ինչպես ապակայունացնենք կրթությունը, բայց իշխանության եկած անձին չի հետաքրքրում ժողովրդի շահերից բխող որոշումների կայացումը»,- շարունակեց նա:
«Ես ուզում եմ հասկանալ, թե այսքանից հետո մենք ինչու չենք դատապարտում ժողովրդավարության տապալումը…, այ, հիմա տապալում ենք նորից՝ ուսուցիչների ջանքերով, թաղային հեղինակությունների ջանքերով»
Զ. Թադևոսյանի խոսքով, ժողովուրդը մեկ մարդու պես պետք է գնար Կենտրոնական ընտրական հանձնաժողով և պահանջեր, որպեսզի Հանրապետական կուսակցությունը դուրս գար հետագա մրցապայքարից: