Արցախում զոհված զինծառայող Արտակ Ռաֆայելյանը «Գինեսի» գրքի ռեկորդակիր էր. կարողանում էր պառկած դիրքից 11.000 անգամ հենում-ծալում վարժություն կատարել:
Նա Կոտայքի մարզի Հրազդան քաղաքի Վանատուր թաղամասի բնակիչ էր, ընտանիքի ավագ որդին: Պատանեկան հասակում զբաղվել է սիրողական բռնցքամարտով:
Նշենք, որ առաջին կայազորային քննչական բաժնում հարուցվել է քրեական գործ՝ պարտադիր ժամկետային զինծառայող Արտակ Ռաֆայելյանի մահվան դեպքի առթիվ։
Հիշեցնենք, որ երեկ ժամը 13:00-ի սահմաններում, N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցի հետևանքով կրծքավանդակի շրջանում մահացու վիրավորում է ստացել պարտադիր ժամկետային զինծառայող, շարքային Արտակ Էդիկի Ռաֆայելյանը: