Կենտրոնական ընտրական հանձնաժողովն այսօրվա նիստում մերժեց «Օհանյան-Րաֆֆի-Օսկանյան» դաշինքի՝ Հայաստանի Հանրապետական կուսակցության գրանցումը չեղյալ համարելու պահանջով դիմումը:
«Դրանք չեն կարող գնահատվել նախընտրական քարոզչության կարգի խախտում, քանի որ չի հաստատվել, որ վերոհիշյալ անձինք քարոզչություն են իրականացրել իրենց լիազորություններն իրականացնելիս, չի ներկայացվել որևէ ապացույց, որ իրականացմանը զուգահեռ է դա կատարվել»,- ասել է հանձնաժողովի նախագահ Տիգրան Մուկուչյանը:
ԿԸՀ 7 անդամները կողմ են քվեարկել «ՕՐՕ» դաշինքի դիմումը մերժելու մասին որոշման նախագծին: Միայն Գյումրու թիվ 37 միջնակարգ դպրոցի տնօրենի ձայնագրությունը կուղարկվի դատախազություն:
Նշենք, որ ՕՐՕ դաշինքը դպրոցի տնօրենների
ձայնագրությունների հետ կապված հիմքով
դիմում էր ներկայացրել ԿԸՀ՝ խնդրելով հանձնաժողովից, որպես կուսակցության ընտրական ցուցակը գրանցող մարմին, դիմել դատարան՝ ՀՀԿ ընտրական ցուցակի գրանցումն ուժը կորցրած ճանաչելու համար: