Բեռլինի Բոդե թանգարանից գողացել են դեռևս մի քանի տարի առաջ աշխարհում ամենամեծը համարվող ոսկեդրամը: Կորուստը նկատվել է մարտի 27-ի առավոտյան: Գողերը թանգարան են մտել պատուհանով` աստիճանի օգնությամբ: Նրանց հաջողվել է գողանալ 100 կիլոգրամանոց մետաղադրամը` գնդականթափանց ապակու տակից: «Թխկենու մեծ տերև» մետաղադրամը հատվել է 2007 թվականին, Կանադայում, դրա անվանական արժեքը մեկ միլիոն դոլար է, այն պատկերում է Ելիզավետա 2-րդին:
Փորձագետների խոսքերով` մետաղադրամի արժեքը, եթե հաշվի առնվի միայն ոսկու արժեքը, 4,5 միլիոն դոլար է:
Մետաղադրամը ժամանակին ներառվել է Գինեսի ռեկորդների գհրքում` իր չափերի ու մաքրության շնորհիվ: Դրա պարագիծը 53 սմ է, հաստությունը` 3 սմ: Բոդե թանգարան այն տեղափոխվել է 2010-ին: