Մոսկվայի Տվերի դատարանն այսօր ռուս ընդդիմադիր գործիչ Ալեքսեյ Նավալնիին 15 օրով կալանավորելու որոշում է կայացրել: Նշվում է, որ կալանքը սահմանվում է Մոսկվայի կենտրոնում կիրակի անցկացված չարտոնված ցույցի ընթացքում ոստիկանությանը չենթարկվելու համար, հայտնում է РИА Новости-ն:
Բացի այդ, չարտոնված ցույց կազմակերպելու համար Նավալնին 20 հազար ռուբլի տուգանք կվճարի: Նա հրաժարվել է ընդունել իր մեղքը:
Ինչպես դատարանում հայտարարել է Նավալնին, քաղաքապետարանը թույլ չի տվել միջոցառումն անցկացնել քաղաքի կենտրոնում, իսկ այլընտրանքներ առաջարկել է միայն հանրահավաքի նախօրեին: