Ինչպես հայտնի է «Իրազեկ քաղաքացիների միավորում» ՀԿ-ն օրեր առաջ ձայնագրություն էր հրապարակել, որտեղ հանրակրթական դպրոցների և մանկապարտեզների թվով 136 տնօրեններ խոստովանում են, որ քարոզչություն են իրականացնում, ցուցակ են կազմում և ներկայացնում ՀՀԿ կառույցներին:
Դանիել Իոաննիսյանն այսօր լրագրողներին հայտնել է, որ իրենք շուտով կհրապարակեն այն չինովնիկների ցուցակը, ովքեր նույնպես այս օրերին զբաղված են ցուցակների հավաքագրմամբ: «Օրինակները շատ են, բայց պետք է հաշվի առնել, որ անգամ սա ամբողջական պատկերը չէ, քանի որ Հայաստանում կա 1400 դպրոց՝ չհաշված մանկապարտեզները, իսկ մենք զանգել ենք ընդամենը 136-ին»,- նշել է բանախոսը: