«Պանամական օֆշորային սկանդալում Իլհամ Ալիևի հետ ներառված Միհրան Պողոսյանին, ՀՀԿ-ն գոնե այս պահին ստվերում պահեր, բերել, պատգամավորության թեկնածու է առաջադրել, որովհետև դրանով չի ուզում խաբել ժողովրդին, հասկացնում է, որ էդ եռյակը, վարչապետը սաղ սուտ են, ճիշտը սա է` Սերժ Սարգսյան, Միհրան Պողոսյան և թիմ, իրենք են որոշումներ կայացնողները»,- արտաշատցիների հետ հանդիպման ժամանակ հայտարարեց «Օհանյան-Րաֆֆի-Օսկանյան» դաշինքով առաջադրված Արմեն Մարտիրոսյանը: Նա կոչ արեց քաղաքացիներին ապրիլի 2-ին պայքարել իրենց քվեի համար. «Չունենք այլ ճանապարհ, քան միասնական պայքարով փոխել ՀՀԿ-ին, քանի որ երկիրը կործանման եզրին է: Չունենք այլ ճանապարհ, քան ապրիլի 2-ին տեղամասերում պահել մեր ձայնը»,- հավելեց նա: