ՌԴ Քննչական կոմիտեի Իրկուտսկի մարզի աշխատակիցները վերջնական մեղադրանք են ներկայացրել նախկին ոստիկան Միխայիլ Պոպկովին: Նա մեղադրվում է զանգվածային սպանությունների համար:
Российская газета-ի հաղորդմամբ` 20 տարվա ընթացքում Պոպկովն Իրկուտսկի տարածքում` Անգարսկ և Ուսոլիե Սիբիրսկոյե բնակավայրերում, առնվազն 84 կնոջ է սպանել: Նշվում է, որ 2015-ին Անգարսկի սերյական մարդասպանն արդեն իսկ ցմահ ազատազրկման է դատապարտված եղել: Այդ ժամանակ նրան մեղադրել են 22 կնոջ սպանության և սպանության 2 փորձի համար: Դրանից հետո, սակայն, բացահայտվել են սպանության նոր դեպքեր:
Քննչական մարմնի տվյալներով` հանցագործության վայրի քննության ժամանակ 15-20 տարվա հնության գերազմաններ են հայտնաբերվել: Հայտնաբերվել են նաև ոսկրային մնացորդներ, սպանվածների անձնական իրեր, հանցագործության հետ կապ ունեցող գործիքներ:
Ըստ լրատվականի` մասնագետները Պոպկովի մոտ սադիստական տարերով համակցված հոմիցիդոմանիա (սպանություն կատարելու անհաղթահարելի մղում է, որը չունի ոչ հոգեբանական և ոչ էլ` իրավիճակային պատճառներ) են հայտնաբերել: