Իտալիայի ազգային հավաքականի դարպասապահ Ջանլուիջի Բուֆոնն աշխարհի 2018 թվականի առաջնության ընտրական փուլի՝ Ալբանիայի հավաքականի դեմ խաղում յուրահատուկ նվաճման հասավ։ Լեգենդար դարպասապահն իր 1000-րդ հանդիպումն անցկացրեց պրոֆեսիոնալ ֆուտբոլում։ Բացի այդ, Բուֆոնը գերազանցեց եվրոպական հավաքականների ֆուտբոլիստների ռեկորդը։ Նա իր 168-րդ հանդիպումն անցկացրեց՝ առաջ անցնելով Իկեր Կասիլյասից, ով 167 հանդիպում է անցկացրել։