Համացանց

Երեկ շատ բան չփոխվեց։ Հայտնին դարձավ ակնհայտ։
     Հիշեցնեմ‚ որ վերջին 10-ը տարում Երևանի մասնավոր դպրոցների աշակերտների թիվը կրկնապատկվել է։ Հատկապես պաշտոնյաներն են իրենց երեխաներին հանում պետական դպրոցներից։ Երկրում արդեն կան տնային ուսուցման կողմնակիցներ։ Նախորդ ուսումնական տարում Հայաստանից գնացել է 6500 աշակերտ։ Մեկ տարում կորցրել ենք 500 աշակերտ ունեցող 13 դպրոց։
     Հիշեցնեմ նաև‚ որ Հունաստանի կոլապսի գլխավոր պատճառերից մեկը համարվում է դպրոցների ուսուցիչների կուսակցականացումը և կաշառքով աշխատանքի ընդունելը։ Հունաստանում այդ գործընթացը սկսվեց 1993-ին PASOK կուսակցության կողմից։
     Մենք չենք կարող ֆանտաստիկ երկիր ունենալ հարգելի պարոն վարչապետ‚ քանի դեռ դպրոցներն ու մանկապարտեզները ձեր կուսակցության կողմից ենթարկվում են կուսակցական շահագործման։