ՕՐՕ դաշինքի մամուլի խոսնակ Արեգնազ Մանուկյանը MAMUL.am-ի թղթակցի հետ զրույցում հաստատեց այն տեղեկությունն, ըստ որի, երեկ հերթական զինված միջադեպն է տեղի ունեցել Էջմիածին քաղաքում: «Առանց պետհամարանիշի մեքենան երեկ կտրել է մեր աշխատակցիների ճանապարհը, մեքենայից իջել է մի երիտասարդ, ու ատրճանակը պահելով մեր շտաբի աշխատակիցներից մեկի ճակատին՝ սպառնացել է ու զգուշացրել հեռու մնալ մեր դաշինքից և չաշխատել
ՕՐՕ դաշինքի համար»,- տեղեկացրեց Մանուկյանը` հավելելով, որ մեկ ժամից հանդես կգան հայտարությամբ և նոր մանրամասներ կհաղորդեն: Նրա խոսքով դեպքից անմիջապես հետո ՕՐՕ դաշինքի ներկայացուցիչները դիմել են ոստիկանություն:
Հիշեցնենք, որ մարտի 14-ին Արմավիրի մարզի Ջրառատ գյուղում «Հայաստանի Հանրապետական» կուսակցության տեղական կառույցի ներկայացուցիչները զինված հարձակում են գործել «Օհանյան-Րաֆֆի-Օսկանյան» դաշինքի համակիրների վրա, որի արդյունքում վիրավորներ են եղել: