Միջազգային

Այսօր ՀՖՖ տեխնիկական կենտրոնում՝ Ֆուտբոլի ակադեմիայում տեղի ունեցավ Հայաստանի 2016 թվականի լավագույն ֆուտբոլիստների և մարզչի մրցանակաբաշխության արարողությունը։ Իրենց ակումբներում զբաղվածության պատճառով ֆուտբոլիստները մինչ օրս չէին կարողացել ժամանել Հայաստան՝ ստանալու իրենց մրցանակներն, այդ պատճառով մրցանակաբաշխությունը կայացավ այսօր։ Հիշեցնենք, որ 2016-ի լավագույն ֆուտբոլիստ է ճանաչվել Հենրիխ Մխիթարյանը, երկրորդ տեղում Գևորգ Ղազարյանն է, իսկ լավագույն եռյակը եզրափակում է Մարկոս Պիզելին: Հայաստանի 2016 թվականի լավագույն մարզիչ է ճանաչվել Վարդան Բիչախչյանը։