Գեղարքունիքի մարզի Ծակքար գյուղում քարոզարշավի ժամանակ «Ելք» դաշինքով առաջադրված Նիկոլ Փաշինյանը հայտարարեց, որ թեև Հանրապետական կուսակցությունը Կարեն Կարապետյանից կերտում է առաջընթացի կերպար, բայց իրենից 2 ամիս է պահանջվել` հասկանալու, որ Կարեն Կարապետյանի խոստումներն արժեք չունեն: «Հիշո՞ւմ եք, որ նա ասում էր ամեն մարդ ինչ ուզի կարող է Հայաստան ներկրել: Օրեր առաջ պարզվեց, որ մարդուն ուղղակի չորով արգելում են կերոսինի վաճառքը, ինչ-որ կեղծ քրեական գործեր են հարցում: Այ էս ինֆորմացիան ցույց է տալիս, որ սուտ են ասում, թե ներդրումներ են ուզում, սուտ են ասում, թե բանանի մոնոպոլիայի դեմ են պայքարում: Կարեն Կարապետյանը երկու օր առաջ Միհրան Պողոսյանի կողքը նստած էր՝ բանանի մոնոպոլիստի: Չնայած ամեն ինչ խոստացել է, բայց նա ի վիճակի չէ սովորական բանանի մոնոպոլիան ջարդել: Նա ի վիճակի չէ պայման ստեղծել, որ ով ինչ ուզենա` ներկրի: Կարեն Կարապետյանը ոչ թե առաջընթացի, այլ հետընթացի սիմվոլն է»: Փաշինյանն այնուհետ անդրադարձավ Կարապետյանի գլխավորած կառավարության գործունեությանը. «Տարեկան 40 մլն դոլարի 140 մլն խորանարդ մետր գազ է կորում ՀՀ-ում և դրա համար վճարում ենք մենք: Հյուրանոց են կառուցում, բայց գազի կորուստները նվազեցնելու համար մի կոպեկի ներդրում չեն անում, որովհետև էդ կորուստները տանում են պաշտոնյաների, օլիգարխների գրպանները: Բոլորդ էլ գազով մեքենաներ եք քշում, քանի՞ գազալցակայան գիտեք, որ ՀԴՄ է տալիս: Այ էս է Կարեն Կարապետյանի գործունեության իրական երեսը»,- եզրափակել էՆիկոլ Փաշինյանը: