Խարկովի մարզի Բալակլեյա քաղաքից ոչ հեռու գտնվող զինամթերքի պահեստներում պայթյուններից և հրդեհներից հետո Ուկրաինայի պետական սահմանային ծառայությունն ուժեղացրել է Ռուսաստանի հետ սահմանի վերահսկողությունը: Այս մասին հաղորդում է գերատեսչության կայքը:
Հաղորդագրության համաձայն՝ անվտանգության միջոցառումներն ուժեղացվել են հսկիչ անցակետերում:
Նշենք, որ այս պահին Խարկովում զինամթերքների պահետներում պայթյունները շարունակվում են: Հիշեցնենք, որ Ուկրաինայի զինվորական գլխավոր դատախազ Անատոլի Մատիոսը հայտարարել է, որ պայթյունները տեղի են ունեցել դիվերսիայի հետևանքով: