Հետաքրքիր է

Կենդանիներին տանջողներին հասարակությունը միանշանակ բացասական վերաբերմունք է ցույց տալիս: Սակայն այդ նույն հասարակությունը մեծ ուրախությամբ տոմսեր է գնում ու գնում կրկեսային ներկայացումներ դիտելու` չպատկերացնելով, որ կրկեսի` կենդանիների մասնակցությամբ համարների ետևում թաքնված են կենդանիների երկարատև ու դաժան տառապանքները:

Կրկեսների վարագույրների ետևում իսկական դժոխք է կենդանիների համար, նրանք այնտեղ սարսափելի պայմաններում են պահվում, նրանց դաժանաբար ծեծում են, տանջում` պահանջելով կատարել տարբեր հնարքներ, որոնք ընդհանրապես հատուկ չեն կենդանիներին: Այս փիղն, օրինակ, 20 տարի ենթարկվելով տանջանքների ու հալածանքների, ըմբոստացել է, ավերել կրկեսը, հետապնդել ծաղրածուներին ու վարժեցնողներին ու դուրս վազել փողոց:

Ոստիկանները նրա ուղղությամբ 86 գնդակ են արձակել, բայց նա դեռ երկար տանջամահ է եղել: Փղերին կրկեսների 99%-ում շղթայակապ են պահում ամբողջ կյանքում: Իսկ նրանք քիչ չեն ապրում, եթե իհարկե չեն սատկում անտանելի պայմաններից:
     Այժմ աշխարհում բազմաթիվ ակցիաներ են անցկացվում` կենդանիներով կրկեսներն արգելելու կոչերով: Նրանք նաև կոչ են անում հանդիսատեսներին` չգնալ նման ներկայացումների, քանի որ վճարելով դրանց տոմսի արժեքը` դուք վճարում եք կենդանիների տանջանքները երկարաձգելու համար: