Խնդրում ենք սպասել...
Այսօր`  հինգշաբթի, 30 մարտի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
5.00%
,
Ռուսական ռուբլի
9.00%

Հարցազրույցներ

«Այս իրադարձությունը կարող է լինել երրորդ հանրապետության վախճանը և չորրորդ հանրապետության հիմնադրման սկիզբը». Լևոն Շիրինյանը` «Հաց բերողի» մահվան մասին

17:15, երկուշաբթի, 20 մարտի, 2017 թ.
«Այս իրադարձությունը կարող է լինել երրորդ հանրապետության վախճանը և չորրորդ հանրապետության հիմնադրման սկիզբը». Լևոն Շիրինյանը` «Հաց բերողի» մահվան մասին

MAMUL.am-ի թղթակցի հետ զրույցում քաղաքագետ Լևոն Շիրինյանը` պատասխանելով հարցին, թե «Հաց բերողի» մահը հնարավո՞ր է նախընտրական Հայաստանում իրավիճակ փոխի, կարծիք հայտնեց, որ բնականաբար, տեղի ունեցածը մարդկանց տրամադրություների վրա ազդելու է: «Այս իրադարձությունը կարող է լինել երրորդ հանրապետության վախճանը և չորրորդ հանրապետության հիմնադրման սկիզբը, քանի որ մեզ արդեն չորրորդ հանրապետություն է պետք, երրորդն իրեն սպառել է»:
     Մեր զրուցակցի խոսքով` այս դժվարին տարիներին Արթուր Սարգսյանը մեր խղճի առաքյալը դարձավ: «Նա Հայաստանի արժանապատվությունն է. «Հաց բերող» ի՞նչ է նշանակում. սա հումանիզմ է չէ՞, մարդասիրություն: Եթե որևէ մեկի վրա չի ազդել նրա մահը, ուրեմն այդ մարդն անասուն է, եթե նույնիսկ դահիճ էլ է, միևնույն է, պետք է որ մարդկային հատկանիշներ ունենա»:
     Շիրինյանը նշեց, որ Արթուրի մահվան համար մեղավորները պետք է օրենքի առաջ պատասխան տան, պատժվեն ինչպես հարկն է, իսկ այդ գործով հետաքննության մեջ պետք է ներգրավվեն ոչ հայաստանյան իրավապահներ. «Ավելին, պետությունը նրանց բոլորի ունեցվածքը պետք է բռնագրավի»,- նշեց նա:
     Դիտարկմանը` միգուցե ժողովո՞ւրդն էլ ունի իր մեղքի բաժինը, որ չկարողացավ ինչպես հարկն է պաշտպանել Արթուր Սարգսյանին, Շիրինյանը կարծիք հայտնեց, որ ժողովուրդն իրենից հասնող ամեն ինչ արել և անում է. «Ժողովուրդը չի կարող ամեն օր ցույց անել, տասնյակ տարիներ ոտքի վրա մնալ, այն էլ այս աղքատ ժողովուրդը, որ հազիվ ապրուստի հարց է լուծում»:
     Այնուամենայնիվ, քաղաքագետը նկատեց, որ իրավիճակն արդեն փոխվել է և դեռ շատ բան կփոխվի: «Երբեք չի մոռացվի ո´չ Սարի թաղը, ո´չ «Սասնա ծռերը»: Ժողովուրդը միշտ էլ կանգնել է` և´ ապրիլյան պատերազմին, և´ «Սասնա ծռերի» համար և Սարի թաղի: Դրանից ավել ի՞նչ անի»:
     Նշենք, որ արդեն քանի օր է` քաղաքացիներն Ազատության հրապարակում ի հիշատակ Արթուր Սարգսյանի, բողոքի ցույց են անում՝ պահանջելով պաշտոնից հեռացնել ՀՀ գլխավոր դատախազին և ՀՀ արդարադատության նախարարին: Նրանց կարծիքով, գործող համակարգն է իր անարդար որոշումներով սպանել «Հաց բերողին»:
     Հիշեցնենք, որ ի սկզբանե, ցուցարարները պահանջում էին Արթուր Սարգսյանին հուղարկավորել Եռաբլուրում, ինչը մերժվեց կառավարության կողմից:

3072 | 1
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am
ombudsman
ombudsman 18:58, 20.03.2017
հհկ-ի դահիճները ոչ խիղճ ունեն ոչ մարդկություն։ անմարդկաին անզգա դահիճներ են։ կենդանու չափ զգայարան չունեն, անզգա ուղեղները հանած տականքներ են։ եթե մարդկաին զգացմունք ու խիղճ ունենային Արթուրի նման ազնիվ ու ազգին նվիրված մարդուն չեին սպանի։։