Արթուր Սարգսյանի՝ «Հաց բերողի» հիշատակին նվիրված բողոքի երթը քիչ առաջ Ազատության հրապարակում ավարտվեց։ Նշենք, որ ուղիղ միացումն ավարտվել էր ավելի վաղ:
Երթի մասնակիցների նպատակը եղել է կառավարության շենքը, որտեղ ցուցարարներին դիմավորել են մեծ թվով ոստիկաններ։
Երթի մասնակիցները վաղը նույնպես պատրաստվում են բողոքի ակցիա իրականացնել նույն ժամին՝ 18.00-ին, Ազատության հրապարակում։ Նրանց պահանջները հետևյալն են՝ պաշտոնից հեռացնել ՀՀ գլխավոր դատախազ Արթուր Դավթյանին, քրեական գործ հարուցել Արթուր Սարգսյանին երկրորդ անգամ կալանավորելու միջնորդություն ներկայացրած քննիչի և այդ որոշումը կայացրած դատավորի նկատմամբ։
Ինչպես նշել ենք Արթուր Սարգսյանի հոգեհանգիստը տեղի կունենա երեքշաբթի, մարտի 21-ին, ժամը 18-00-ին Շահումյանի գերեզմանատանը հարակից «Սան Լազար» սգո սրահում (Լուկաշին 152), իսկ հուղարկավորությունը՝ մարտի 22-ին, ժամը 14-ին, նույն սրահից։