Ամերիկյան ռեալիթի շոուի աստղ Քիմ Քարդաշյանի քույրը` Քենդալ Ջեները, հայտարարել է, որ Լոս Անջելեսի իր տնից գողություն է կատարվել: Տարել են 200 հազար դոլար արժողությամբ թանկարժեք իրեր:
TMZ կայքի փոխանցմամբ՝ 21-ամյա Քենդալ Ջենները, վերադառնալով տուն, մի քանի ժամ անց է միայն նկատել իր զարդերի բացակայությունը:
Ժամանած ոստիկանությունը բռնի ուժով բնակարան ներխուժելու հետքեր չի հայտնաբերել: Այդուհանդերձ՝ հետաքննություն է սկսվել թանկարժեք իրերի անհետացման գործով: