«Հայրս բացառիկ իմաստուն մարդ է, շատ լավ զգում է աշխարհը». Վարդան Պետրոսյանը դարձավ 58 տարեկան
15:40, երկուշաբթի, 27 փետրվարի, 2017 թ.
Այսօր դերասան, սցենարիստ Վարդան Պետրոսյանի ծննդյան տարեդարձն է: Դերասանը դարձավ 58 տարեկան: «Հայրս բացառիկ իմաստուն մարդ է, շատ լավ զգում է աշխարհը». Վարդան Պետրոսյանը դարձավ 58 տարեկան «Նա կարևորագույն դեմքերից է մեր մշակույթի, մեր կյանքի, ով շունչ է տալիս, գույն է տալիս մեր քաղաքին, մեր երկրին, շրջապատին: Պետք չի, որ բոլորը հավանեն նրա արածը կամ կիսեն նրա մտքերը, բայց դա հարստություն է: Վարդանը մեր հարստությունն է: Առհասարակ մարդիկ են մեր հարստությունը, և այդ պատճառով պետք է նրանց հանդեպ շատ ավելի նուրբ լինել»,- մեզ հետ զրույցում կարծիք հայտնեց ռեժիսոր Ռուբեն Բաբայանը: Վարդան Պետրոսյանը ծնվել է 1959-ի փետրվարի 27-ին, Երևանում: Մանկությունն անցել է Երևանի կենտրոնում` Խանջյան փողոցում գտնվող հայրական տանը: Ավարտել է Երևանի պետական գեղարվեստա-թատերական ինստիտուտի դիզայնի բաժինը: 1988-ին Վահրամ Սահակյանի հետ հիմնել է առաջին հայկական ոչ պետական երիտասարդական թատրոնը` «Ոզնիները»: Նրա հեղինակած ներկայացումներն իրենց քաղաքական համարձակությամբ մշտապես մեծ աղմուկ են բարձրացրել Երևանի թատերական կյանքում: Դրանցից են` «Սեր և ատելություն», «Ճակատագրի կատակներ», «Ի՞նչ անել», «Սեռասարսափ», «Ցմահ բանտարկյալները» և այլն: 2013թ. հոկտեմբերի 20-ին դերասանի մասնակցությամբ ավտովթար է տեղի ունեցել, որի հետևանքով երկու երիտասարդ մահացել է և դերասանը դատապարտվել է 5 տարի ազատազրկման: Հիշեցնենք, որ 2015-ից դատարանի որոշմամբ` դերասանը պատիժը կրում է բաց ռեժիմով, որը ենթադրում է, որ կալանավորն առավոտյան 8-ից մինչև երեկոյան 8-ն ազատության մեջ է ու միայն երեկոյան պետք է ներկայանա, գրանցվի և մնա կալանավայրի բաց տարածքում։ «Հայրս բացառիկ իմաստուն մարդ է, շատ լավ զգում է աշխարհը». Վարդան Պետրոսյանը դարձավ 58 տարեկան |
5696 | 2