Ինչպես հայտնի է, «Օսկար 2017» մրցանակաբաշխության ժամանակ սկանդալային, բազամաթիվ մասնագետների բնութագրմամբ, հսկայական սխալմունք է տեղի ունեցել, ինչի արդյունքում կինոմրցանակաբաշխության գլխավոր արձանիկը` տարվա լավագույն ֆիլմի համար, քիչ է մնացել շնորհվի ոչ հաղթողին: Հիշեցնենք, որ նախ հայտարարվել է, թե տարվա լավագույն ֆիլմ է ճանաչվել «Լա լա լենդ»-ն, ապա բեմ է դուրս եկել «Օսկար»-ի պրոդյուսերն ու հայտարարել, որ իրական հաղթողը «Լուսնի լույս» ֆիլմն է:
Կատարվածի պատասխանատվությունն իր վրա է վերցրել Pricewaterhouse Coopers ընկերությունը, որ կատարել է ձայների հաշվարկը: Նրանք ներողություն են խնդրել 2 ֆիլմերի ստեղծագործական խմբերից: «Հաղորդավարներին սխալմամբ սխալ ծրար է տրված եղել: Այժմ մենք ներքին հետաքննություն ենք անցկացնում` պարզելու` ինչպես է դա տեղի ունեցել»,- ասվում է կազմակերպության հայտարարության մեջ: