Գյումրու Վարդան Աճեմյանի անվան պետական դրամատիկական թատրոնում «Տարբեր նվագներ»-ի պրեմիերային գյումրեցի խստապահանջ հանդիսատեսի երկարատև ծափերը հավաստեցին, որ ներկայացումը կայացած է: Լեփ-լեցուն դահլիճում, որտեղ ուսանողներն ստիպված հատակին էին նստել, ներկա էին նաև Շիրակի մարզպետը, Շիրակի թեմի առաջնորդը, Աժ պատգամավորներ, արվեստագետներ, մտավորականներ: Զորայր Խալափյանի լիրիկական այս կատակերգությունը հանդիսատեսը հնարավորություն կունենա դիտելու նաև փետրվարի 24, 25 և 26-ին: