Կոտայքի մարզի Ջրվեժ գյուղի վարչական տարածքում իրար են բախվել Nissan Teana մակնիշի 35 CL 326 համարանիշի և ВАЗ 2106 մակնիշի 31 ՍԼ 004 համարանիշի ավտոմեքենաները։ Ինչպես հայտնում է
Shamshyan.com-ը,
4 հոգի մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն։
Փաստի առթիվ ՃՈ 2-րդ սպայական գումարտակի 3-րդ վաշտի հետաքննիչ Վահե Հարությունյանի կողմից նյութեր են նախապատրաստվում։ Ոստիկանությունը պարզում է վարորդների և վիրավորների ինքնությունը։ Դեպքի վայրում հավաքվածները տեղեկացրել են, որ Nissan-ը վարել է աղջիկ, իսկ վիրավորների մեջ է նաև ՀՀ ՊՆ N զորամասում ծառայող ժամկետային զինծառայող։