Գերմանական ոչ մեծ Դեգենդորֆ քաղաքի հիվանդանոցում միանգամից 76 աշխատակից գնացել է ծննդաբերության արձակուրդի: Թեև հիվանդանոցն այնքան էլ փոքր չէ և այստեղ միայն հիվանդների խնամքի համար աշխատում է 850 մարդ, այնուամենայնիվ, միանգամից 76 աշխատակցի բացակայությունը մեծ խնդիր է առաջացրել ղեկավարության համար: Ապագա մայրերի մեծ մասը բուժքույրեր են:
Ակնհայտ է, որ նրանք իրենց աշխատանքին կվերադառնան ոչ շուտ, քանի որ ծննդաբերելուց բացի պետք է նաև խնամեն երեխաներին կյանքի առաջին տարիներին, ուստի հիվանդանոցի ղեկավարությունը բացակայող աշխատակիցներին ժամանակավոր փոխարինողներ է փնտրում: