Շվեդիայի մայրաքաղաք Ստոքհոլմի Ռինքեբյու արվարձանում ներգաղթյալները զանգվածային անկարգություններ են իրականացրել: Անկարգությունների մասնակցիները քարեր են նետել ոստիկանների ուղղությամբ, ինչին ի պատասխան` իրավապահները նախազգուշական մի քանի կրակոց են արձակել:
Զանգվածային անկարգությունների պատճառ է դարձել այն, որ երեկ երեկոյան մետրոյի կայարաններից մեկում ոստիկանները փորձել են ձերբակալել հետախուզման մեջ գտնվող անձի: Ոստիկանների վրա քարեր են նետել, սակայն նրանք կարողացել են լքել կայարանը` ձերբակալվածի հետ միասին: 2 ժամ անց նոր անկարգություններ են սկսվել արվարձանի այլ հատվածում: Այստեղ ներգաղթյալները մի քանի մեքենա են այրել: Ցուցարարների թիվը հասել է 12-ի: Իսկ ավելի ուշ ցուցարարները կոտրել են խանութների ցուցափեղկերն ու շարունակել մեքենաներ հրկիզել: Ականատեսների խոսքով` օրինախախտների թիվն այդ ընթացքում հասել է մի քանի հարյուրի:
Հաղորդվում է, որ ոստիկանները փորձում են վերականգնել հասարակական կարգը: Կան ձերբակալվածներ, որոնց ստույգ թիվը հայտնի չէ:
