Ավստրիական Հոհֆիլցենում ընթացող բիաթլոնի աշխարհի առաջնության շրջանակներում երեկ զավեշտալի միջադեպ է տեղի ունեցել։ Փոխանցումավազքի հաղթողների պարգևատրման արարողության ընթացքում կազմակերպիչները շփոթել են Ռուսաստանի օրհներգը՝ միացնելով 1990-ից 2001 թվականների օրհներգը։ Այդ պահին ուղիղ եթեր վարող մարզական մեկնաբան Դմիտրի Գուբերնիևը, տեսնելով, որ կազմակերպիչներն այդպես էլ չեն միացնելու օրհներգի ճիշտ տարբերակը, բարձրախոսը ձեռքին մոտեցել է պատվո պատվանդանին կանգնած իր հայրենակիցներին, փոխանցել բարձրախոսը և հորդորել երգել օրհներգի ճիշտ տարբերակը։