Սեուլի դատարանը Samsung ընկերության փաստացի ղեկավար Լի Չժե Ենային ձերբակալելու թույլտվություն է տվել: Նա մեղադրվում է երկրի նախագահ Պակ Կին Հեի շուրջ ծագած կոռուպցիոն սկանդալի հետ կապեր ունենալու համար:
Ինչպես հաղորդում է Reuters-ը, Լի Չժե Ենան մինչ դատավարությունը գտնվելու է Յիվան քաղաքի բանտում:
Նշենք, որ ըստ քննչական մարմինների` Samsung-ի ղեկավարն անօրինական կերպով խոշոր չափի գումար է փոխանցել նախագահ Պակ Կին Հեի մտերիմ ընկերուհու կողմից ղեկավարվող հիմնադրամներին: